खेलकुद

आहा रारा फुटबल प्रतियोगिता माघ ९ देखि
the universal tines
2o74

रारा गोल्ड कप फुटबल प्रतियोगिता माघ ९ देखि २० गतेसम्म पोखरा रंगशालामा सञ्चालन हुने भएकोछ । 

सहारा क्लबद्वारा आज यहाँ आयोजित पत्रकार सम्मेलनमा मोफसलको बहुप्रतिष्ठित राष्ट्रिय तथा अन्तर्राष्ट्रिय प्रतियोगितामा विदेशी ‘ए’ डिभिजनका क्लब, पूर्व–पश्चिम क्षेत्रबाट एक÷एक तथा आयोजक सहारा क्लबसहित १२ टिमको सहभागिता रहने जानकारी दिइयो । “खेलकुदको विकासमा सहकार्य गरौं, पोखरालाई खेलकुद पर्यटन सहरकोरुपमा स्थापित गरौं” भन्ने मुख्य उद्देश्यका साथ सो प्रतियोगिता हुने भएको हो । 

पोखरा लेखनाथ उपमहानगरपालिका– १७ मा क्लबद्वारा सञ्चालित एकेडेमीको सहयोगार्थ सञ्चालित सो फुटबल प्रतियोगितामा कूल एक करोड २१ लाख ८२ हजार आम्दानी एवं ९० लाख पाँच हजार ५०० सय खर्च गरी रु तीस लाख भन्दा बढी आम्दानी गर्ने क्लबका महासचिव विश्वराज बरालले जानकारी दिनुभयो । 

मोफसलको व्यापारिक प्रतिष्ठान हिमश्री फुड्र्स प्रालिको उत्पादन आहा रारा तयारी चाउचाउ मुख्य प्रायोजक रहेको सो फुटबल प्रतियोगता सम्पन्न गर्न पोखरा लेखनाथ महानगरपालिकाको संयोजन, राष्ट्यि खेलकूद परिषद्, अखिल नेपाल फुटबल संघ, पश्चिमाञ्चल क्षेत्रीय खेलकुद विकास समिति, जिल्ला खेलकूद विकास समिति, कास्की जिल्ला फुटवल संघ, सहारा युके, हङकङ, अष्टे«लियाको सहयोग रहने कार्यक्रममा जानकारी दिइयो 

एएफसीका अध्यक्ष खालिफा नेपालमा
the universal times
2074

एशियाली फुटबल महासंघ (एएफसी)का अध्यक्ष शेख सल्मान बिन इब्राहिम अल खालिफा आज नेपाल आउनुभएको छ । 

दुईदिने भ्रमणका लागि अध्यक्ष खालिफासँगै एएफसीका अन्य पदाधिकारी पनि नेपाल आउनुभएको छ । उहाँहरुलाई अखिल नेपाल फुटबल संघका अध्यक्ष नरेन्द्र श्रेष्ठ, उपाध्यक्ष मणि कुँवर, महासचिव धीरेन्द्र प्रधान, प्रमुख कार्यकारी अधिकृत इन्द्रमान तुलाधरलगायतले त्रिभुवन अन्तरराष्ट्रिय विमानस्थलमा स्वागत गर्नुभयो । 

अध्यक्ष खालिफाले बुधबार एन्फा हाउसमा अध्यक्ष श्रेष्ठसँग बैठक गर्ने कार्यक्रम रहेको एन्फाले जनाएको छ । 

सर्वाधिक पुरस्कार राशिको इपिएल क्रिकेट
the universal times
2074

काठमाडौँ, १५ साउन । सर्वाधिक पुरस्कार राशि भएको एभरेस्ट प्रिमियर लिग (इपिएल)को दोस्रो संस्करणको खेल आगामी डिसेम्बरमा आयोजना हुने भएको छ । 

प्रतियोगितामा काठमाडौँ, ललितपुर, भैरहवा, विराटनगर, वीरगञ्ज र पोखरा गरी ६ टोलीको सहभागिता रहने आज यहाँ आयोजित पत्रकारसम्मेलनमा आयोजक जोहोरा स्पोर्टस म्यानेजमेन्टका अध्यक्ष आमिर अख्तरले जानकारी दिनुभयो । 

उक्त प्रतियोगिताको विजेता टोलीले रु २१ लाख प्राप्त गर्नेछन् । नेपाली क्रिकेट इतिहासमा यो अहिलेसम्मकै सर्वाधिक पुरस्कार राशि हो । यसअघि राष्ट्रिय खेलकुद परिषद्ले आयोजना गरेको प्रधानमन्त्री कप क्रिकेटमा विजेताले रु २० लाख पुरस्कार प्राप्त गरेको थियो । 

पत्रकारसम्मेलनमा राष्ट्रिय टोलीका प्रशिक्षक जगत टमाटा र आयोजक जोहोराका अध्यक्ष अख्तर तथा राष्ट्रिय टोलीका कप्तान पारस खड्काले प्रतियोगिताको नयाँ लोगो सार्वजनिक गर्नुभयो । गत वर्षदेखि सुरु भएको उक्त प्रतियोगिताको पहिलो उपाधि शरद भेषवाकरको कप्तानीमा रहेको पञ्चकन्या तेजले जितेको थियो । विजेता टोलीले गत वर्ष रु पाँच लाख पुरस्कार प्राप्त गरेको थियो । 

राष्ट्रिय टिमका कप्तान खड्का तथा राष्ट्रिय टोलीका प्रशिक्षक टमाटाले इपिएल नेपालको ठूलो क्रिकेट प्रतियोगिता भएको बताउँदै यस किसिमको प्रतियोगिताले नयाँ खेलाडीको विकासमा सहयोग पुग्ने बताउनुभयो । प्रतियोगिताको सबै खेल कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने आयोजकले जनाएको छ

चार नेपाली खेलाडि एसियाली मार्सल आर्ट च्याम्पीनसीपमा सहभागि हुदै
the universaltime
2074


काठमाण्डौं ।  थाईल्याण्डको चाङमाई सिटीमा यहि साउन १० देखी १६ गते सम्म संञ्चालन हुने एसियाली मार्सल आर्ट च्याम्पीनसीपमा चार नेपाली खेलाडिहरुले सहभागिता जनाएका छन् । तङ्ग इल मोदो संघ नेपालको तर्फबाट निमा बिष्ट, भिम कुमारी चौधरी, संजिव कुमार  चौधरी र तेज बहादुर सिहले सहभागिता जनाएको तङ्ग इल मोदो संघ नेपालका उपाध्यक्ष ईश्वर भट्टले जानकारी दिए । 
मार्सल आर्ट मार्फत शान्तिलाई बढवा दिने उदेश्य सहित खेलको आयोजना गरिएको हो । खेलको माध्यमबाट धर्म, संस्कृति, जाति भन्दा माथी उठेर खेलको माध्यबाट भाईचाराको सम्बन्ध स्थापीत गराउने  छ । 
विश्वका दजनौ देशबाट तङ्ग इल मोदा तथा अन्य मार्सल आर्टका खेलाडिहरुको समेत सहभागिता रहेको छ  । अठार बर्षदेखि ५५ बर्ष सम्मका खेलाडिहरुको सहभागित रहने एसियाली मार्सल आर्ट च्याम्पीनसीपमा तौल समुहको आधारमा प्रतिस्प्रर्धा गराईने छ ।  

नयाँ वर्ष २०७४ को उपलक्ष्यमा नेपाली समुदाय युएईले युएईव्यापी खुल्ला भलिवल प्रतियोगिताको आयोजना
the universal times
2073

नेपाली नयाँ वर्ष २०७४ को उपलक्ष्यमा नेपाली समुदाय युएईले युएईव्यापी खुल्ला भलिवल प्रतियोगिताको आयोजना गरेको छ ।जेबलअली, दुबईको एक मजदुर क्याम्पमा गत ७ अप्रिलमा सुरु भएको प्रतियोगितामा युएईका विभिन्न संघसंस्था लगायत कम्पनीमा कार्यरत १४ वटा टिमले सहभागिता जनाएका छन् । नयाँ वर्षको शुभकामना आदानप्रदानसहित परदेशको संघर्षपूर्ण जीवनमा खेलकुदप्रतिको नेपाली युवाहरुको मोहलाई सम्बोधन गर्न नेपाली समुदाय युएई, जेबेलअली पार्कोे एकाईको आयोजनामा उक्त प्रतियोगिता गराइएको समुदायका अध्यक्ष मुनप्रसाद गुरुङले जानकारी दिए । उक्त प्रतियोगिताको लाभांश हेटौंडाका विपन्न तथा दुर्घटनाबाट सिकिस्त, हरिराम राना मगरको उपचार खर्च गरिने खेलकुद संयोजक प्रदिप ठकुरीले  बताएका छन् ।

विदेशमा नेपाली पहिचान र राष्ट्रियता झल्काउँदै नेपाली राष्ट्रयगानबाट खेलको प्रारम्भ गराइएको थियो । नेपाली समुदायलाई विगतदेखि निरन्तर साथ सहयोग दिदै आएका व्यापारिक संस्थानहरु प्रान फुड, अल बारा मिनी मार्केट,Al Kazima Travel and Tourism LLC यस प्रतियोगितामा विशेष प्रायोजकको रुपमा उपस्थिति जनाएका थिए । प्रतियोगिताको सेमी फाइनल र फाइनल खेल तथा पुरस्कार वितरण, प्रायोजक सम्मान कार्यक्रम लगायत सहयोगी मध्ये भाग्यशाली एक जनालाई हवाई टिकटको बिजेताको घोषणा आगामी १४ अप्रिल २०१७, शुक्रबारको दिन आयोजना गरिने बताइएको छ । नेपाली समुदाय युएईको तेस्रो शृंखलाको रुपमा यस अन्तर सामुदायिक भलिबल प्रतियोगितामा एक हजार ५ सयभन्दा बढी दर्शकहरुको उपस्थिति रहेको थियो । खेल अत्यन्त प्रतिस्पर्धात्मक, मनोरन्जनात्मक र शानदार भएकोे दर्शकहरुले प्रतिक्रिया दिएका थिए । सेमीफाइनलमा पुगेका चार टिमबीच कडा प्रतिस्पर्धा हुनेछ । समूह ए मा जेपिटी डिआईपी टिम र नेपाल स्पोर्ट क्लबबीच पहिलो प्रतियोगिता हुनेछ भने समूह बी मा दोस्रो खेल हातेमालो अबुधाबी र ढोरपाटन अबुधाबीबीच हुनेछ ।

दुबै समूहका विजेता टिमले नेपाली नयाँ वर्षको पहिलो दिन दुबईमा फाइनलका लागि कडा प्रतिस्पर्धा गर्नेछन् ।

शारीरिक अपाङ्गतर्फ सुनिता नेपालीले तीन स्वर्ण
the universal times
2073

काठमाडौँ, १८ फागुन । गङ्गा उमाविकी सुनिता नेपालीले २२औँ विद्यालयस्तरीय विशेष खेलकुद प्रतियोगिताअन्तर्गत शारीरिक अपाङ्गतर्फ तीन स्वर्णपदक हात पारिन् । 

त्रिपुरेश्वरस्थित दशरथ रङ्गशालामा आज भएको अन्तिम खेलमा सुनिताले छात्रातर्फ क्रचेज (बैशाखी) नलिएर १०० मिटर दौड, क्रचेज नलिएर २०० मिटर दौड र क्रचेज नलिएर सटपुटमा स्वर्णपदक हात पारेकी हुन् । 

राष्ट्रिय खेलकुद परिषद् (राखेप) द्वारा आयोजित उक्त प्रतियोगिताको शारीरिक अपाङ्गकै क्रचेज नलिएर १०० मिटर दौडको छात्रमा खगेन्द्र नवजीवनका सुरज कार्कीले स्वर्ण पदक हात पारे । 

त्यस्तै एक क्रचेज लिएर १०० मिटर दौडको छात्रमा प्रभात माविका सुनील सुनार र छात्रामा खगेन्द्रकी पूजा कार्की, दुई क्रचेज लिएर १०० मिटर दौडको छात्रमा खगेन्द्रका युवक लामा र छात्रामा नेपाल अपाङ्ग सङ्घकी मञ्जु थारु तथा क्रचेज नलिएर २०० मिटर दौडको छात्रमा खगेन्द्रका सुरज कार्कीले पहिलो स्थान हासिल गरे । 

एकसय मिटर ह्वीलचेयरको छात्रमा नेपाल अपाङ्ग सङ्घका अशोक राना र छात्रामा रजनी राई तथा सटपुटमा क्रचेज नलिएरको छात्रमा नेपाल अपाङ्ग सङ्घका बलबहादुर चौधरीले पहिलो भए । 

बहिरातर्फ १०० मिटर दौडको छात्रमा देवेन्द्र सारु र छात्रामा बहिरा बाल माविकी पुष्पा खत्री, २०० मिटर दौडको छात्रमा सिद्ध बहिरा बालक विद्यालयका धीरज शाही र छात्रामा बहिरा बाल माविकी पुष्पा खत्री पहिलो भए । 

त्यसैगरी ४०० मिटर दौडको छात्रमा बहिरा बाल माविका दयानारायण चौधरी र छात्रामा धौलागिरि बहिरा विद्यालयकी अनिता बुढामगर, सटपुटको छात्रामा बहिरा विद्यालयकी सञ्चमाया तामाङ र छात्रमा बहिरा बाल माविका देवेन्द्र सारु तथा लङजम्पको छात्रामा विराट बहिरा माविकी चमन खातुन र छात्रमा सिद्ध बहिराका धीरज शाहीले शीर्ष स्थान हात पारे । 

पूर्ण दृष्टिविहीनको सटपुट छात्रमा लेबोरेटरीका आनन्द पाण्डे र छात्रामा मङ्गलप्रसाद उमाविकी दौपदा सहकार्य, आंशिक दृष्टिविहीनको सटपुट छात्रमा ज्ञानोदय उमाविका लक्ष्मण बुढाथोकी र छात्रामा मङ्गलप्रसादकी सपना चौधरी, पूर्ण दृष्टिविहीनको स्ट्यान्डिङ लङजम्प छात्रमा जनप्रकाश उमाविका अभिषेक सुनुवार र छात्रामा लेबोरेटरीकी सनिता भट्टराई पहिलो भए । 

आंशिक दृष्टिविहीनको स्ट्यान्डिङ लङजम्प छात्रमा शिखर उमाविका चेतन सुनुवार र छात्रामा मङ्गलप्रसादकी सपना चौधरीले स्वर्ण जिते । 

विजेतालाई नेपाल पारा ओलम्पिक कमिटीका अध्यक्ष दीपक कोइराला, राखेपका सदस्यद्वय अस्मिता गुरुङ र उपेन्द्र पौडेललयातले पुरस्कार प्रदान गर्नुभएको थियो । 

दुईदिने प्रतियोगितामा दृष्टिविहीन, बहिरा र शारीरिक अपाङ्गतर्फ उपत्यकाबाट १४५ र उपत्यका बाहिराबाट १४३ गरी २८८ खेलाडीले एथलेटिक्सका विभिन्न ३८ स्पर्धामा प्रतिस्पर्धा गरेका थिए । 

नेपालले जित्यो ९ स्वर्ण सहित ३६ पदक
the universal times
2073

झापाको विर्तामोडमा सम्पन्नभयको दोस्रो इन्डो नेपालतङ्ग इल मो दो ओपन पिस कप प्रतियोगिता २०१७ मा नेपालले ९ स्वर्ण र ११ रजत सहित ३६ पदक जित्न सफल भएको छ । यहि मिती २०७३ साल माघ १७  र १८ गते सम्म सहिद दिवशको अवसरमा भएको उक्त प्रतियोगीता तङ्ग इल मो दो संघ झापा को आयोजनामा सम्पन्नभएको  थियो । 
नेपाल र भारतविचको मैत्रीपुर्ण सम्वन्धलाई अझ् प्रगाढ र आत्मियता बढाउने उदेश्यले आयोजना भएको प्रतियोगितामा नेपाल र भारतका गरी १५० जाना खेलाडिको सहभागिता रहेको थियो । १५ वटा स्वर्णका लागि भएको प्रतिस्प्रधामा नेपालकालागि महिलातर्फ ३० के.जी मुनि झापा कि दिना थापा ले स्वर्ण हातपारीन भने झापाकै एलिसा पन्तले रजत जित्न सफल भईन, ३०–४० केजि तर्फ नेपालकि अनिता बिष्ट (कैलालि) ले स्वर्ण पदक, ४०–५० केजी तर्फ नेपालकी दुर्गा शाहि (कैलालि)  ले स्वर्ण पदक, ५०–६० केजी तर्फ भारतकि यासीका पास्वानले नेपालकी विरसिका गुरुङ इलामलाइ हराउदै स्वर्ण जित्न सफभईन त्यस्तै, ६०केजि भन्दामाथि तर्फ भारतकि मुस्कान राना ले स्वर्णपदक जित्न सफल भईन, ।
भने पुरुषतर्फ ३५ केजीभन्दामुनि समुहमा नेपालकागौरव सावा (झापा) लाइ हराउदै भारतका लभकुस ले स्वर्ण जितेका थिए, ३५ देखी ४० केजी समुह मा दीनेस के सी (दाङ) लाई हराउदै भारतका दिपक मेहेरा ले स्वर्ण जितेका हुन । ४० देखि ४५ केजी समुहमा भारतका गौरभ चौधरीले स्वर्ण, ४५ देखि ५० केजी समुहमा नेपालका तिर्थ चौधरी कैलाली ले स्वर्ण, ५० देखि ५५ केजि समूहमा नेपालका साजन तामाङ्गले स्वर्ण पदक, ५५ देखि ६०केजी समुहमा संदेश पोख्रेलले स्वर्ण पदक, ६०देखि ६५ केजि सम्ममा नेपालका अंचल विसि ले स्वर्ण, ६५ देखि ७० केजि सम्म भारतका जइलाई हराउदै नेपालका तिलकभुजेल (झापा) ले स्वणर््ा जित्न सफल भए त्यसैगरि ७० देखि ७५ केजि समुहमा नेपालका अनिल खड्काले स्वर्ण र ७५ के.जी. देखिमाथी खुल्लातौल समुहमा भारतका साहिल चौधरी ले स्वर्णपदक जित्न सफल भए । खेलको मूल्याकन गर्दै पुरुष तर्फ उत्कृष्ट खेलाडी ट्रफि झापा तिलक भुजेल र महिला तर्फ भारतका यासिका पास्वानले प्राप्त गर्न सफल भएका थिए, त्यसैगरि सर्वोउत्कृष्ट खेलाडी ट्रफी कैलालीका अनिल खड्काले प्राप्त गरे । भने प्रथम उत्कृष्ट टिम ट्रफि नेपाल र दोश्रो उत्कृष्ट ट्रफि भारतले प्राप्त गर्न सफल भए ।
प्रतियोगिताको उद्घाटन झापा प्रमुख जिल्लाअधिकारी श्री उत्तर कुमार खत्री, तङ्ग इल मो दो संघ नेपालका अध्यक्ष श्री सन्तोस कुमार पौडेल र तङ्ग इल मो दो संघ भारतका माहासचिव छतीस चौधरीले संयुक्तरुपमा गर्नु भएको थियो । सम्पूर्ण अतिथिहरु नेपाल र भारतका कोच रेफ्री र खेलाडीहरुलाई मेची क्याम्पस अंग्रेजी विभाग प्रमुख प्रोफेसर कुमार थपलिया स्वागत गर्नुभएको उद्घाटन समारोहको संन्चालन दुईदिन सम्म भएको प्रतियोगीतामा जुरीको रुपमा केन्द्रिय उपाध्यक्ष तथा प्राविधिक प्रमुख दिपक वास्तोला र फिलिपिन्सका अन्तराष्ट्रिय प्रसिक्षक एडोनीस, रेफ्रिको रुपमा दिपेन्द्र ठाकुर, जजहरुको रुपमा क्रमशः तेज शिंह, प्रकास श्रेष्ठ, नवराज विष्ठ र श्याम मगर रहनुभएको थियो ।
प्रतियोगिताको दोश्रो दिनको सुरुवातमा मार्सलआर्ट शान्ति, स्वाथ्य र राष्ट्रको लागी भन्ने नारा सहित सयौ खेलाडी र प्रतिष्ठित व्याक्तिहरुको सहभागीमा शान्ति ¥यालि गरिएको थियो । प्रतियोगीताको समापनमा प्रमुख अतिथीको रुपमा विर्तामोड ईलाका प्रहरी कार्यलयका प्रहरी नायक उपरिक्षक केशव कुमार थेवे ज्यू ले विजेता खेलाडीहरुलाई ट्रफि, मेडल र प्रमाण पत्र प्रदान गर्नुहुदै हार्दिक वदाई तथा सुभकामना व्यक्त गर्नुभएको थियो । समापन कार्यक्रमका सभापति वेद प्रकाश अग्रवाल ले प्रतियोगिता आयोजना गर्न सहयोग पु¥याउनु हुने संस्थाहरु क्रमशः ब्याक हर्स सुज, सिल्को स्र्पोट सिलिगुडि, पाथिभार एजुकेशनल एकेडेमि, स्वतिका सिसुसधन, रुद्र मेमोरियल इङ्लिस स्कुल, मनकामना उच्च मा.वि., जि.वि.स.झापा, झापा खेलकुद विकाश समिति, विर्तामोड नगरपालिका, दमक नगरपालिका, एक्सेल डेभलोपमेन्ट बैंक, सहारा नेपाल, मेघा कमप्लेक्स, आलस्का आटो मोवाईल, ईटा उद्योग संग झापा, युपिएफ नेपाल, द युनिर्भसल टाईम्स र डब्लु कार्प नेपाल लाई एकमुष्ठरुपमा धन्यवाद दिदै कार्यक्रमको समापन गर्नु भएको थियो ।

राष्ट्रिय खेलकुदमा लगातार तीन पटक स्वर्ण पदक विजेता बने बाँस्तोला
the universal times
2073

विराटनगर, ९ पुस । सशस्त्र प्रहरी बल (एपिएफ)का पर्शुराम बाँस्तोलाले पूर्वाञ्चलमा जारी सातौँ राष्ट्रिय खेलकुदमा स्वर्ण पदक जित्दै राष्ट्रिय खेलकुदमा लगातार तीन पटक स्वर्ण प्राप्त गर्न सफल हुनुभएको छ । 

विराटनगरस्थित सहिद रङ्गशालामा भएको कराते प्रतियोगिताको पुरुष एकल कातामा बाँस्तोलाले नेपाली सेनाका डम्बरबहादुर आलेमगरलाई पराजित गर्दै स्वर्ण पदक जित्नुभएको हो । 
उहाँले काठमाडाँैमा भएको पाँचौ र धनगढीमा भएको छैठौं राष्ट्रिय खेलकुदमा समेत स्वर्ण पदक प्राप्त गर्नुभएको थियो । प्रतियोगितामा सुदूरपश्चिमका ललित खत्री र मध्यमाञ्चलका सुमन पुलामी मगरले कास्य पदक प्राप्त गर्नुभयो । 

यस्तै, महिलातर्फको एकल कातामा नेपाल प्रहरीकी निर्मला तामाङले मध्यमाञ्चलकी अप्सरा मोक्तानलाई पाखा लगाउँदै स्वर्ण पदक जित्नुभयो । सशस्त्रका सरिता श्रेष्ठ र सुदूरपश्चिमका वर्षा साउदले कास्य पदक प्राप्त गर्नुभयो । 

महिला फुटबलको उपाधि सशस्त्रलाई 

आज महिला फुटबलको फाइनल खेलमा एपिएफले नेपाल पुलिस क्लबलाई टाइब्रेकरमा पराजित गर्दै स्वर्ण पदकमा कब्जा गरेको छ । 

सुनसरीको दुहबीस्थित टेलिकमको खेलमैदानमा आज भएको फाइनलमा दुवै विभागीय टोली निर्धारित समयभित्र गोल गर्न असफल भएका थिए । 

सुटिङ 

सातौं राष्ट्रिय खेलकुदअन्तर्गत आजदेखि शुटिङ खेल सुरु भएको छ । 

बैजनाथपुरमा आज भएको महिला पेस्तोलमा नेपाल आर्मीका हेमा चौधरी ३४९ अङ्क ल्याएर प्रथम हुनुभयो । त्यस्तै नेपाल प्रहरीका सविता बस्नेत ३४८ अङक ल्याएर द्वितीय र पूर्वाञ्चलका कमला राई ३१९ अङ्क ल्याएर तृतीय हुन सफल हुनुभयो । 

त्यस्तै, आजै भएको महिला राइफलतर्फ ३४४ अङक ल्याएर मध्यपश्चिमाञ्चलका शान्ति विष्ट प्रथम हुन सफल हुनुभयो । त्यस्तै, तीन सय ३९ अङ्क ल्याएर नेपाल पुलिसका बीना परियार द्वितीय र पूर्वाञ्चलका अमिता श्रेष्ठ २ सय ८६ अङ्क ल्याएर तृतीय हुनुभएको हो । 

कबड्डी 

महिला तथा पुरुष कबड्डी प्रतियोगिताअन्तर्गत आज महिलातर्फ चार र पुरुषतर्फ दुई खेलहरू भए । 

लिग चरणअन्तर्गत महिलातर्फ पहिलो खेलमा नेपाली सेनाको टोलीले पश्चिमाञ्चललाई ६८÷१६ अङ्कले पराजित गरेको थियो । 

त्यस्तै, महिलातर्फकै दोस्रो खेलमा नेपाल प्रहरीले सशस्त्र प्रहरीलाई ११÷५२ अङ्कले पछि पार्दै विजयी सुरुवात गरेको हो । 

प्रतियोगिताअन्तर्गत भएको तेस्रो खेलमा पूर्र्वाञ्चललाई २३÷३२ अङ्कले पछि पार्दै मध्यामाञ्चल विजयी भएको छ । 

महिलातर्फ चौथो खेलमा मध्यपश्चिमाञ्चललाई २२÷४२ अङ्कले पराजित गर्दै सुदूर पश्चिमाञ्चल विजयी भयो । 

त्यस्तै, पुरुषतर्फ भएको पहिलो खेलमा मध्यमाञ्चलले विभागीय टोली सशस्त्र प्रहरीलाई २१÷५७ अङ्कले पराजित गरेको थियो भने सुदूरपश्चिमाञ्चललाई २७÷४३ अङकले पराजित गर्दै नेपाली सेना विजयी भएको थियो । 

पुरुष क्रिकेट 

पुरुष क्रिकेटमा विभागीय टोली त्रिभुवन आर्मी क्लब र नेपाल पुलिस क्लबले विजयी सुरुवात गरेका छन् । 

मोरङको बैजनाथपुरस्थित क्रिकेट मैदानमा आज भएको पहिलो खेलमा आर्मीले सुदूरपश्चिमाञ्चलको टोलीलाई ८७ रनले पराजित गर्दै ३ अङ्क जोडेको छ । 

टस हारेर ब्याटिङको निम्तो पाएको आर्मीले निर्धारित २० ओभर ३ विकेटको क्षतिमा २०९ रनको योगफल बनाएको थियो । अर्कोतर्फ सुदूरपश्चिमाञ्चलको टोली निर्धारित ओभरमा ४ विकेट गुमाउँदै १२२ रन मात्र बनाउन सक्यो । यसमा रोशन नेपालीले अर्धशतक ५० रन बनाउनुभयो । 

त्यसैगरी, दोस्रो खेलमा नेपाल पुलिस क्लबले पश्चिमाञ्चललाई १७ रनले पराजित ग¥यो । टस जितेर ब्याटिङ गरेको पुलिसले निर्धारित २० ओभरमा ५ विकेट गुमाउँदै १४६ रन बनाएको थियो भने पश्चिमाञ्चलको टोलीले आठ विकेटमा मात्र १२९ रन बनाउन सक्यो । 

हक्की 

विराटनगरको डिपिएस खेल मैदानमा आज सम्पन्न खेलमा पुरुष हक्कीतर्फ त्रिभुवन आर्मी क्लब र सुदूरपश्चिमाञ्चल क्षेत्रले सहज जित हात पारेका छन् । त्यसैगरी, महिलातर्फ भने पश्चिमाञ्चल र सुदूरपश्चिमाञ्चलले विजयी सुरुआत गरेका छन् ।

अठ्तीस वर्षपछि मेची रङ्गशालामा बक्सिङ
the universal times
2073

झापा, ८ पुस । सातौँ राष्ट्रिय खेलकुद प्रतियोगिताअन्र्तगत बक्सिङ खेलका लागि मेची रङ्गशाला तयार पारिएको छ । 

भद्रपुर नगरपालिकामा रहेको मेची रङ्गशालामा ३८ वर्षपछि बक्सिङ खेल आयोजना हुँदैछ । उक्त रङ्गशालामा यसअघि २०३५ सालमा राष्ट्रिय बक्सिङ प्रतियोगिता भएको थियो । यस पटक सातौँ राष्ट्रिय खेलकुद प्रतियोगिताअन्तर्गत उक्त रङ्गशालामा बक्सिङ खेल मात्र खेलाइने भएको छ । शनिबार उद्घाटन हुने बक्सिङ प्रतियोगिताका लागि सम्पूर्ण तयारी पूरा भएको बक्सिङ खेलका संयोजक एवम् नेपाल बक्सिङ सङ्घका केन्द्रीय उपाध्यक्ष भोजराज सिटौलाले जानकारी दिनुभयो । 

प्रतियोगिताका लागि रङ्गशालालाई झकिझकाउ पारिएको छ । सहभागिता जनाउन पाँच विकास क्षेत्र तथा तीन विभागीय टोली (नेपाल प्रहरी, नेपाली सेना र सशस्त्र प्रहरी बल)का खेलाडी र प्रशिक्षकसहित करिब दुई सय जना यहाँ आइसकेका छन् । प्रतियोगिता सञ्चालनअघि पूर्वाधार निर्माणका लागि राष्ट्रिय खेलकुद परिषद्ले करिब रु ६८ लाख खर्च गरेको जिल्ला खेलकुद विकास समितिका अध्यक्ष शङ्कर थापाले बताउनुभयो । 

चालिसको दशकपछि युवा तथा खेलकुद मन्त्रालय तथा राखेपबाट पूर्वाधार निर्माण तथा मर्मतसम्भारका लागि पहिलो पटक बजेट प्राप्त भएको हो । रङ्गशाला रङरोगनका लागि भद्रपुर नगरपालिकाले जिम्मा लिएको छ । समितिका अध्यक्ष थापाका अनुसार शनिबारदेखि नै जिल्लाको काँकरभिट्टास्थित मेची सामुदायिक भवनमा ब्याडमिन्टन, धुलाबारीस्थित पासाङ ल्हामु हलमा जिम्न्यास्टिक र जुडो तथा दमकमा आइटिएफ तेक्वान्दो खेल सुरु हुँदैछ । 

चार वटै खेलका पाँच सय ५० भन्दा बढी खेलाडी प्रतियोगितास्थल आइपुगेका छन् । यहाँ पहिलो पटक राष्ट्रिय खेलकुद प्रतियोगिता आयोजना गर्न पाउँदा यहाँका खेलप्रेमी उत्साहित छन् । 
यसअघि २०६८ फागुन १४–२१ गतेसम्म सुदूरपश्चिमको भीमदत्तनगर र धनगढीमा छैटौँ राष्ट्रिय खेलकुद प्रतियोगिता आयोजना गरिएको थियो । विसं २०७० फागुन र चैतमा सातौंँ राष्ट्रिय खेलकुद प्रतियोगिता आयोजना गर्ने जिम्मा पूर्वाञ्चलले पाए पनि दुई वर्षभित्र गरिनुपर्ने प्रतियोगिता झन्डै पाँच वर्षपछि पूर्वाञ्चलका विभिन्न जिल्लामा आजदेखि सुरु भएको छ । 
आवश्यक पूर्वाधार निर्माण नहुँदा प्रतियोगिता हुनेबारे अन्योल थियो । तीन तीन पटकसम्म खेल तालिका परिवर्तन गरिँदा प्रतियोगिता हुने नहुनेबारे यहाँका खेलप्रेमीमा द्विविधा थियो । पूर्वाधार निर्माणका लागि रकम अभाव हुँदा यहाँका खेलप्रेमी प्रतियोगिता हुनेबारे विश्वस्त हुन सकेका थिएनन् । “पटक पटक खेल प्रतियोगिताको समय परिर्वतन भयो,” जिल्ला खेलकुद विकास समितिका उपाध्यक्ष प्रशान्त भण्डारीले भन्नुभयो –“विराटनगरमा राष्ट्रपतिले प्रतियोगिताको उद्घाटन गरेपछि खेल आयोजना हुनेमा हामी ढुक्क भयौंँ ।” 

विभिन्न पूर्वाधार निर्माण नभएकै अवस्थामा प्रतियोगिता सञ्चालन हुँदैछ । मेची रङ्शालाबाहेक काँकरभिट्टा, धुलाबारी र दमकमा प्रतियोगिताका लागि सरकारीस्तरबाट कुनै पनि पूर्वाधार निर्माण गरिएको छैन । ती तीन वटै ठाउँमा स्थानीय स्रोतसाधन जसोतसो जुटाएर प्रतियोगिताको आयोजना गरिँदैछ । 
“पूर्वाधार निर्माणका लागि राष्ट्रिय प्रतियोगिताको माग गरेका थियौँ” कराँतेका पूर्वराष्ट्रिय खेलाडी समेत रहनुभएका उपाध्यक्ष भण्डारीले भन्नुभयो,“पूर्वाधारको अवस्था देखेर खिन्न भएका छौँ ।” पटक पटक प्रतियोगिताको मिति सरेपछि खेलप्रेमीको खेलप्रतिको उत्साह घट्दै गएपछि साबिक अवस्थामा नै प्रतियोगिता सञ्चालन गर्न बाध्य भएको उहाँले बताउनुभयो 

बेल्ट प्रमोसन तथा सरसफाई कार्यक्रम सम्पन्न ‘खेलकुद ः अनुशान, स्वास्थ्य र राष्ट्रको गौरव’
the universal times
2073



झापा । तङ्ग इल मोदो संघ झापा (एकीकृत मार्सल आर्ट) को आयोजनामा बेल्ट प्रोमोसन तथा सरसफाई कार्यक्रम सम्पन्न भएको छ । कन्काई– ८, लक्ष्मिपुरमा उत्साहका साथ सम्पन्न भएको कार्यक्रममा पाथिभारा  एजुकसनल एकेडेमी लक्ष्मीपुर, पुर्वाञ्चल एकेडेमी र स्वस्तिका सिशु सदन शनिश्चरेका गरी ९२ जना उत्कृष्ट खेलाडीहरूको सहभागिता थियो । खेलाडीहरूलाई समाजप्रति आफ्नो जिम्मेवारी  र वातावरण सरसफाइप्रति सचेत बनाउनुका साथै आफ्नो ठाउँ आफै सफा गरौँ भन्ने जनचेतना अभिवृद्धि गर्नका लागि सो कार्यक्रम आयोजना गरिएको आयोजकहरूको दाबी थियो ।
पाथिभरा एजुकेशनल एकडेमीको को प्राङ्गणमा आयोजित कार्यक्रममा खेलका जिल्ला अध्यक्ष राजेन्द्र पन्तको सभापतित्व तथा पुर्वाञ्चल खेलकुद विकास समितिका अध्यक्ष नविन नगरकोटीको प्रमुख आतिथ्य रहेको थियो । कार्यक्रममा खेलका संरक्षक, युपिएफका शान्तिदुत समिति संयोजक तथा पुर्वाञ्चल राष्ट्रिय दैनिकका प्रधान सम्पादक स्व. मदन ढकालले खेलप्रति पु¥याएको योगदान र सद्भावको कदरस्वरूप उनको दिवंगत आत्माको चिर शान्तिको कामना गर्दै एक  मिनेट मौन धारण अर्पण गरिएको थियो । 
कार्याक्रममा बोल्दै प्र्रमुख अतिथि नगरकोटीले खेलकुद हाम्रो जीवनको अनुशासन, स्वास्थ्य र राष्ट्रको गौरवकोे लागि महत्वपुर्ण रहेको बताए । उनले सबै अभिभावकले आफ्ना नानीहरूलाई डाक्टर इन्जिनियर पाइलट बनाउने भन्दा पनि खेलाडी बन्न प्रेरित गर्नुपर्नेमा जोड दिए । खेलाडीहरू देशका गहना र शक्ति रहेको बताउँदै नगरकोटीले उनीहरूको संरक्षण गर्ने जिम्मा सरकारले लिनुपर्ने धारणा व्यक्त गरे । उनले प्रमोसन भएका खेलाडीहरूलाई बधाई तथा शुभकामना समेत दिए । 
तंग इल मोदोका राष्ट्रिय उपाध्यक्ष तथा प्रमुुख राष्ट्रिय प्रशिक्षक दीपक बाँस्तालाले यो खेल विशेष गरी शान्तिका लागि र्मासल आर्ट भन्ने उद्दश्यसाथ शान्तिप्रेमी विश्व नागरिक डा. सन् म्योङ मुनको प्रेरणा पाएर महान प्रशिक्षक डा. जुन हुु सुकले सुरुवात गरेको बताए । हाल यो खेल नेपालमा पुर्व मेचीदेखि पश्चिम महाकालीसम्म ४० जिल्लाका साथै विश्वका १९२ राष्ट्रमा विकास र विस्तार भइसकेको कुरा पनि उनले जानकारी गराए । खेलकुदले व्यक्तिलाई परिपक्व, परिवार आदर्श, समाज सभ्य तथा राष्ट्र र विश्वमा शान्ति स्थपनाको लागि महत्वपुर्ण भूमिका खेल्ने कुरामा उनको जोड थियो ।
झापाका खेलाडीहरुबाट उत्कृष्ट कला प्रदसन भएको कार्यक्रमा स्वागत मन्तव्य विद्यालयका प्रिन्सिपल लेखनाथ गुरागाईं र संचालन खेलका राष्ट्रिय प्रशिक्षक प्रकाश श्रेष्ठले गरेका थिए । सो अवसरमा विशिष्ट अतिथि कालीबहादुर गण चारालीका गणपति खेम नारायण पौड्याल थिए भने विशेष अतिथिमा तङ्ग इल मोदो नेपालका राष्ट्रिय उपाध्यक्ष दिपक बस्तोला, झापा जिल्ला  खेलकुद समितिका अध्यक्ष शंकर थापा, शसस्त्र प्रहरी बल बेसक्याम्प प्रमुख नवीन राई, जिल्ला ट्राफिक कार्यालय प्रमुख ढुण्डीराज गिरी रहेका थिए । अतिथिहरूमा शान्तिदुत– कुमार थपलिया, उपनाथ ओली, वेदप्रकाश अग्रवाल, दुर्गा उप्रेती तथा खेलका सुनसरी सचिव राम ब. लिम्बु, सर्लाही उपाध्यक्ष नोईन्द्र खतिवडा, युवा शान्ति दुत जिवन पनेरु र पुर्वाञ्चल एकेडेमीका प्रिन्सिपल केसव ढुगांनालगायत रहेका थिए ।



मुद्रा विनिमय

  • Currency
  • Unit
  • Buying
  • Selling
  • Indian Rs
  • 100
  • 160.00
  • 160.15
  • US $
  • 1
  • 103.46
  • 104.06
  • EURO
  • 1
  • 115.65
  • 116.32
  • POUND
  • 1
  • 134.43
  • 135.21
  • Ch Yuan
  • 1
  • 16.35
  • 16.44
  • Jap Yan
  • 10
  • 9.95
  • 10.01
अन्य

मौसम

Weather of   2012-03-17 ( Saturday )
  • Station
  • Max(°)
  • Min(°)
  • Dadeldhura
  • 21.8
  • 10.0
  • Dipayal
  • 29.8
  • 9.6
  • Dhangadi
  • 29.2
  • 13.0
  • Birendranagar
  • 28.2
  • 10.5
  • Nepalgunj
  • 29.4
  • 13.0
  • Jumla
  • 18.9
  • -1.5
  • Dang
  • 27.0
  • 12.5
  • Bhairahawa
  • 27.4
  • 14.8
  • Simra
  • 29.5
  • 11.5
  • Kathmandu
  • 25.5
  • 7.2
  • Okhaldhunga
  • 21.2
  • 00
  • Jiri
  • 17.4
  • 1.1
  • Rajbiraj
  • 29.5
  • 15.0
Peace Nepal DOT Com
N/Athe universal timesN/AN/AN/AN/AN/AN/AN/AThe Universal Times

Site Hits

This site has been visited

counter customisable
Times since April 06, 2011